Şirkət haqqında   

 “Kaspian Texnoloji Şirkəti” MMC Azərbaycanda alternativ enerji mənbələri, külək və günəş enerjisi ilə məşğul olan ilk şirkətdir. Şirkətin ilk layihəsi olan “Pilot Layihə”yə əsasən, Xızı rayonu Yeni Yaşma ərazisində ümumi gücü 2,2 MVt olan 2 ədəd Vestas V52 tipli külək mühərriki quraşdırılmışdır. Bundan əlavə, küləyin real potensialını öyrənmək məqsədilə hündürlüyü 63 m olan 2 külək ölçmə qurğusu quraşdırılmışdır.
     500 kVt-lıq V39 tipli Təlim Mərkəzi personalın texniki biliklə təmin edilməsinə xidmət edir. Şirkətin günəş enerjisi sahəsində ilk layihəsi çərçivəsində Azərbaycan Milli Elmlər Akademiyasının Fizika İnstitutunun dam örtüyündə ümumi gücü 2,5 kVt olan günəş panelləri quraşdırılmışdır. Şirkət gələcəkdə Xızı rayonu Şuraabad ərazisində 50MVt-lıq külək parkının yaradılması, eləcə də külək mühərriklərinin hissələri və günəş panellərinin istehsalını planlaşdırır. Bu layihələr üzrə işlərin müəyyən hissəsi artıq icra edilmişdir.
     “Kaspian Texnoloji Şirkəti” BMT-nin Qlobal Kompakt proqramının üzvüdür. Şirkət alternativ enerji ilə bağlı beynəlxalq forum və konfranslarda yaxından iştirak edir.