Shurabad layihəsi   

Azərbaycanda ilk dəfə 63 m hündürlükdə külək potensialı ölçülməsini, ilk külək parkını, ilk alternativ enerji təlim mərkəzini yaratmış “Kaspian Texnoloji” şirkəti fəaliyyətini genişləndirərək 2010-cu ildə Cənubi Qafqazda və Xəzəryanı regionunda ilk dəfə olaraq iri həcmli 48 MVt-lıq külək parkının inşasına başlamış, beləliklə də, Azərbaycan və yaxın regionlarda irihəcmli yaşıl enerji istehsalçısına çevrilmişdir. Pilot Layihənin davamı kimi əldə olumuş dəqiq külək ölçmələrinə əsaslanaraq, şirkətimiz qoyuluş gücü olan 48 MVt Şurabad Layihəsini həyata keçirməkdədir. Şurabad layihəsi Bakı-Quba magistral yolunun 55-ci km-də yerləşir. Bu layihə 16 ədəd hər birinin gücü 3 MVt olmaqla Vestas şirkətinin istehsalı olan V90 tipli külək elektrik stansiyalarından ibarətdir. Hal-hazırda layihə üzrə mühəndis-tikinti işləri aparılır. Bu layihəni həyata keçirmək məqsədi ilə Şurabad qəsəbəsinin yerli əhalisi, əlavə işçi qüvvəsi cəlb olunmuşdur. Bundan əlavə, fundament hissələrinin inşası üçün dəmir karkasın hazırlanması yerli zavod və fabriklərin cəlb olunması ilə həyata keçirilmişdir. Şurabad layihəsi başa çatdıqdan sonra orta hesabla ildə 201 mln KVts elektrik enerjisi istehsal olunması gözlənilir. Bu isə öz növbəsində 57 mln m3 təbii qaza qənaət edəcəkdir.