Külək ölçmə layihəsi   

Azərbaycanda ilk dəfə olaraq, 2009-cu ilin aprel ayında hündürlüyü 63m olan 2 külək ölçmə qurğusu şirkətimiz tərəfindən quraşdırılmışdır. Bu külək ölçmə qurğularından biri Pilot layihənin həyata keçirildiyi ərazi yaxınlığında yerləşir. Bu qurğular hər 20 metr hündürlükdə küləyin və günəş enerjisinin bütün tələb olunan parametrlərini fasiləsiz olaraq ölçür və xüsusi proqramlar vasitəsilə analiz olunaraq daha geniş layihələrin həyata keçirilməsi üçün geniş imkanlar yaradır. Alınmış nəticələr əsasında Azərbaycan şəraitinə uyğunlaşmış avadanlıqlar seçilir. Günəş panelləri ilə təchiz olunmuş bu qurğular şəbəkəyə qoşulmanı tələb etmir ki, bu da onların üstün cəhəti hesab olunur.